Рашэньне пакараць штрафам Алену Арлову прыняў Куйбышаўскі раённы суд Пецярбургу. Пра гэта паведамляе прэс-служба суду. Яе прызналі вінаватай ва ўдзеле ў дзейнасьці «непажаданай» арганізацыі.
Як паведамляла Радыё Свабода, падставай для пратакола стаў продаж кнігі «Еду ў Магадан» Ігара Аліневіча. Яе выдалі пры падтрымцы беларускага Анархічнага чорнага крыжа. Суд палічыў, што гэта падразьдзел Фэдэрацыі анархічнага чорнага крыжа, прызнанай у Расеі «непажаданай» арганізацыяй.
У 2013 Ігар Аліневіч атрымаў у Беларусі прэмію Францішка Аляхновіча за кнігу «Еду в Магадан».
Ігару Аліневічу 41 год.
У кастрычніку 2020-га яго затрымалі і пазьней асудзілі на 20 гадоў зьняволеньня паводле трох артыкулаў Крымінальнага кодэксу:
- 295 («Незаконныя дзеяньні ў дачыненьні агнястрэльнай зброі, боепрыпасаў і выбуховых рэчываў»),
- 289 («Акт тэрарызму»),
- 333-1 («Незаконнае перамяшчэньне празь мяжу атрутных рэчываў, радыяактыўных матэрыялаў, узбраеньня, вайсковай тэхнікі»).
Амаль адразу пасьля прысуду яго пакаралі пераводам з калёніі на больж жорсткі рэжым утрыманьня ў жодзінскай турме.
Паводле нешматлікай інфармацыі, якая даходзіць з-за кратаў, Ігара ня раз каралі штрафным ізалятарам і на нейкі час вывозілі ў турэмны шпіталь у Калядзічах.
Форум